Posted on: May 18, 2018 Posted by: admin Comments: 0

Wafarisa wazvinzwa,
Kurasa muswe kwowoita,
Kushamisira pane vanhu,
Inda inosveta mutakuri.

Kuvhairirwa ini handidi,
Nembambaira inofunurwa,
Kuonererwa paruzhinji,
Tichaonana pazambuko.

Zamba zuva waona bako,
Kuzvecherwa ibva vagarako,
Wawengwa iwe wanhuhwa,
Shamhu yakakumirira.

Waguta zvekupisa dura,
Chera gomba iye zvino,
Upfire mate nekukasika,
Ndisati ndakuswatudza.

Leave a Comment