Muchaenda
Budzi raMupengazvese naMakada
Gamba, mukono vakamwa mukaka ukaguta
Vakabva Mbire kusingasvikwi nevehana nhete
VanaBarambabvu vachiuya kuno kuChinyamakungu
Vavhimi venjere vanoridza ngoma nemidzonga yenyama
Ndiye muera’mbwa, Mukonaanhu, n’anga yeGuhune
yaiwaridza bonde pamusoro paMhuriyadziya
Dziya rakadzama rine goko guru, Garwe
Zororai murugare vaMunyebvu
Vene veumambo
Shiri yakanaka
Shiri yakanaka unoendepi,
Huya huya titambe,
Ndiri kuenda kumakore,
Kuti ndifanane nemakore!
